Vesturland - Mórar - Skottur - Draugar í dýrslíki - Fornir Draugar - Útburðir
Vestfirðir - Mórar - Skottur - Draugar í dýrslíki - Fornir Draugar
Norðvesturland - Mórar - Skottur - Draugar í dýrslíki - Fornir Draugar
Norðausturland - Mórar - Skottur - Draugar í dýrslíki
Austurland - Mórar - Skottur - Draugar í dýrslíki
Suðausturland - Mórar - Skottur - Draugar í dýrslíki - Útburðir
Suðurland - Mórar - Skottur - Draugar í dýrslíki - Útburðir
Suðvesturland - Mórar - Skottur - Fornir Draugar - Útburðir
Meira >>
Maurapúkar og ýmsir aðrir draugar sem aðeins rísa öðru hvoru úr gröfum sínum sjást oft í hvítum líkklæðum og í seinni tíð er algengt að draugar séu taldir hvítir að lit að alþjóðlegri fyrirmynd.
Meira >>
Draugar koma alloft fyrir í fornaldarbókmenntum Íslendinga og sumir þessara forndrauga eru enn á sveimi, s.s. afturganga Gauks Trandilssonar undir Gaukshöfða í Gnúpverjahreppi.
Meira >>
Árið 1853 fór vinnukonan Guðný á Ólafsvöllum á Skeiðum út í kirkju um kvöldtíma að sækja þar bók fyrir húsbónda sinn. Þegar þangað kom sá hún bónda einn úr sveitinni, Vigfús Eiríksson á Reykjum sitja allsnakinn á kirkjubekk rétt við altarishornið. Henni varð að vonum hverft við og leit undan en þegar hún leit upp aftur var sýnin horfin.
Meira >>
Í afréttarkofum og öðrum náttbólum fjallmanna hefur oft orðið vart reimleika. Meðal slíkra drauga má nefna Starkað frá Stóruvöllum í Bárðardal sem varð til undir Starkaðssteini á Gnúpverjaafrétti og Egil þann sem hrapaði til dauðs í Löðmundi og gengur síðan aftur í Landmannahelli.
Meira >>
Með flutningi Íslendinga til Vesturheims á 19. öld fluttust auk mannfólks nokkrir íslenskir draugar vestur um haf. Má þar t.d. nefna Leirárskottu, Írafellsmóra og Þorgeirsbola. Draugarnir gerðu vart við sig á fyrstu árum og áratugum Íslendinga þar vestra en flestir hurfu síðan aftur heim á Frón.
Meira >>
Á 18. öld bar það við að heilleg beinagrind af kvenmanni kom uppúr gröf í Skálholti og það óvenjulega við hana var að hún hékk öll saman. Hún var lögð undir krókbekk í kirkjunni og skömmu síðar mönuðu skólapiltar vinnustúlku á staðnum til að fara í kirkjuna og ná í beinagrindina.
Meira >>
Fjölmargir fjárhúsdraugar eru til á Íslandi, margir eftir fjármenn sem farist hafa voveiflega í eða við fjárhús. Einn slíkur var Bryggjudraugurinn í Haukadal í Biskupstungum sem af sumum er talinn hafa verið kynvilltur því hann leitaði einkum eftir því að fara aftan að mönnum. Því var það að enginn vogaði sér að ganga öðru vísi en afturábak út úr húsinu því draugurinn átti til að koma upp úr hlöðutóttinni.
Meira >>
Börn sem borin voru út hráblaut og óskírð eða náðu af öðrum ástæðum ekki skírn fyrir dauða sinn voru dæmd til að ganga aftur. Þau voru alla jafna ómálga en vældu ámátlega í bæli sínu og oft mátti merkja að þegar heyrðist í útburði var von veðurbreytinga, venjulega til hins verra.
Meira >>
Með tilkomu læknavísinda opnuðust möguleikar til að vekja upp drauga í tilraunaglösum. Frægastur slíkra drauga er Eyjaselsmóri á Fljótsdalshéraði en Tungu Brestur á Langanesi var einnig talinn meðaladraugur.
Meira >>
Draugar geta birst í allra kvikinda líki. Uppvakningar manna voru oft þeirrar náttúru að geta breytt sér og þannig var Kotslafsi á Rangárvöllum jafnan í hundslíki og Ranadraugurinn á Stokkseyri hefur birst mönnum sem gráleit meri.
Meira >>
Sjódauðir menn gerðu oft vart við í sama mund og þeir drukknuðu og birtust þá ástvinum sínum blautir og dapurlegir. En aðrir voru sem urðu eftir drukknun í sjó rammir og illskeyttir draugar, svo sem Skipárdraugurinn við Stokkseyri sem átti til að æra ferðamenn með ópum og ráðast að þeim við ána.
Meira >>
Íslenskir karldraugar af vanalegri gerð eru alla jafna kallaðir mórar og er heitið dregið af mórauðum klæðnaði þeirra sem minnti á klæðaburð íslenskra fátæklinga um aldir.
Mórar á Íslandi skipta hundruðum en svo eru kallaðar margskonar ættarfylgjur og sveitardraugar af karlkyni.
Meira >>
Íslenskir kvendraugar af vanalegri gerð eru alla jafna kallaðir skottur og heitið dregið af klæðaburði þeirra en þær gengu í mórauðum skautbúningi og létu faldkrókinn beygjast aftur eða þá að skautið lafði millum herða.
Skotturnar eru oftast í rauðum sokkum og sjúga fingur.
Með frægari skottum hér á landi eru Mývatnsskotta, Ívars Gunna og Móhúsaskotta.
Meira >>
Einn fjölmargra kunningja á Kolviðarhóli var Brennivínsdraugurinn. Hann var talinn afturganga eftir danskan „assistent“ Sunchenbergverslunar í Reykjavík. „Hafði hann þann starfa á hendi að mæla ölföng verslunarinnar og var sjálfur harla ölkær. Hafði hann haft þá siðvenju sumar eftir sumar á helgum dögum, að ríða upp að Kolviðarhóli og inn í Marardal og neyta þá drjúgum dreypifórnarinnar. Taldi hann þær ferðir sínar mestu unaðsstundir… Nú andaðist þessi maður á sóttarsæng í Reykjavík en veturinn eftir héldu tveir Suðurnesjamenn yfir heiðina og ætluðu að gista sæluhúsið á Kolviðarhóli.
Meira >>
| 
